Halki halki ho to laaye muskaan
hoti hai jaade ki jaan.

Garmiyon main to sirf paseena
baitho to jalta hai seena.

Kadakti hai to dushwaari
kuch ko lagay tab bhi pyaari.

Andheray ko bhagaaye
thandak main dil ko lubhaaye.

Yeh na ho to kya hai zindigi
jaise koi tishnagi.

Peid paudhe iske bina adhoore
insaan bhi na paaye apne ko poore.

Yeh hai to raunaq har taraf
phir jism maange paani aur baraf.

Chidiyon aur jaanwaron ki laadli
tapti hai aur tapaati bhi hai aisee iski mandli.